公眾號用戶使用守則
公眾號用戶使用守則
重要說明
喺使用公眾號之前請仔細閱讀守則，並確保你唔會違反其中任何一條。如果你違反咗任何一條，請自行承擔後果。以下係守則嘅詳細規定：
規定細則
第一條
喺任何時候使用公眾號嘅時候，都應該遵守上一條規則以及本條規則以下嘅所有規則，否則我哋無法保證你嘅安全，你必須自己承擔後果。
第二條
如果你喺使用公眾號嘅途中，遇到彈出嚟嘅你認為奇怪嘅廣告，請直接忽略，並假裝冇見到佢。切記唔好長時間關注呢類廣告，尤其唔應該用眼睛直接盯住睇，更唔好用手指點擊佢。否則我哋將無法保證你嘅身心健康安全同財產安全。
第三條
唔好試圖探究呢份守則點解會出現喺呢度，同埋唔好試圖弄清楚第一條規則嘅上一條規則係咩。如果有其他用戶問起你有關第一條規則嘅上一條規則嘅問題，請直接回答「太可怕喇」就得。如果對方執意追問，請直接離開，唔好理會。
第五條
當你發表或者回覆其他人嘅評論嘅時候，如果你發現其他用戶嘅評論後面加咗「狗頭」，請你亦加上狗頭。呢個係為咗你嘅生命財產安全考慮，請唔好違反，否則我哋將無能為力。
第六條
有啲用戶，甚至我哋嘅部分員工認為本守則嘅第四條有啲唔合理。請你唔使理會，並假裝冇睇到。
第七條
如果你見到或者聽到有其他用戶向你講述第四條規定嘅內容，請即刻打斷佢嘅講述並轉身離開，唔使理會其他用戶嘅反應。如果你已經知道咗第四條規定嘅內容，請務必按照第一條規定嘅上一條規定所講去做，否則我哋將幫唔到你。
第八條
如果你能夠遵守以上所有嘅規定，我哋將會能夠保證你安全使用公眾號；否則，造成嘅一切嚴重後果都會有你自行承擔。
最後
祝你擁有一個愉快嘅公眾號使用體驗，祝你擁有愉快嘅一日！
本守則純屬筆者虛構，如有雷同，純屬見鬼。 轉載請注明出處：https://congjyu.github.io